OSI 7 Layer ( Application Layer )

بسم الله الرحمن الرحيم 

OSI ... OPEN SYSTEM INTERCONNECTION

من المواضيع المهمه جدا في مجال الحاسب عموما و الشبكات خصوصا 

قديما كانت كل شركه لها معاييرها التي تسير عليها لتقوم ببناء الشبكه او تقوم بصيانتها او حتي هدم الشبكه وبنائها من جديد ... فكان كل هذا تكلفه رهيبه علي اصحاب المؤسسات او الهيئات التي تريد اقامه هذه الشبكه لتسهيل العمل  لديهم ... فوضعت موسسه ال ISO  المعايير التي تسير عليها كل الشركات وكان مكسب ايضا للشركات التي تقوم ببناء  الشبكات للمؤسسات حيث انهم يصبحون مصنفون عالميا  ومكسب لاصحاب المؤسسات بانهم يستطيعون ان يتعاملون مع اكثر من شركه بدون تكاليف عاليه 

اول حاجه لازم تعرفها بكل بساطه ان ال OSI هي عباره عن نموذج يشرح الخطوات التي تمر بها البيانات من الجهاز المرسل الي الجهاز المستقبل ويطلق علي هذه الخطوات الطبقات ... وهي عباره عن 7 طبقات يحدث في كل طبقه شي معين للمعلومات التي يتم ارسالها ... كلام جميل صح 

OSI 7 Layer

اول طبقه عندنا هنتكلم عنها النهرده هي application layer وهي  عباره عن اول طبقه تستخدم من جهه المرسل و اخر طبقه تستخدم من جهه المستقبل ... يعني البيانات بتكون زي ما هي DATA عند المرسل في application layer  وبتتحرك للطبقات التانيه عند المرسل هنتكلم عنهم ان شاء الله قريب ولما تروح عند المستقبل بتمر بكل الطبقات وبتوصل في النهايه ل application layer  عنده ... يعني زي ما قلت  اول طبقه تستخدم من جهه المرسل و اخر طبقه تستخدم من جهه المستقبل .
 

دلوقتي بقا عايزين نعرف هي عباره عن اي ... تمام اوي اصبر علي رزقك بس
هي عباره عن مجموعه من البروتوكولات التي تقدم خدمات تستخدمها البرامج للوصول الي الشبكه ... والبروتوكول هو مجموعه من القواعد التي تنظم عمليه الاتصال بين الاجهزه داخل الشبكه .
فهمت الكلام الكبير دا  =D من الاخر كدا الطبقه دي هي ال Interface  البيظهر ليك يعني هي واجهه اي برنامج بتستخدم علشان بيخدم علي الشبكه زي بالضبط دلوقتي انت مركز و بتقرا المقال دا من خلال متصفح ما دا بقا application layer عرفت هي اي ولا لسا .

Example of Interface 

دلوقتي هنتكلم عن بعض البروتوكولات الموجوده في  هذه الطبقه 

تكمن وظيفه هذه الطبقه في تحديد البروتوكولات المستخدمه لانتقال المعلومات داخل الشبكه حيث يوجد الكثير من هذه البروتوكولات داخل كل طبقه ... ومنها علي سبيل المثال بعض البروتوكولات المستخدمه في طبقه  application layer : 

HTTP " hyper text transfer protocol

فهو البروتوكول المسئول عن نقل ملفات النصوص التشعبيه ,,, حيث ان هذا البروتوكول الذي يقوم عليه عمليه التصفح الي الانترنت ,,, ببساطه بردو علشان الناس تفهم ,,, البروتوكول دا هو البيظهر ليك علي الشمال فوق في اي لنك وانت قاعد علي الانترنت ... شفته ولا لسا ... هو المستخدم للتصفح و التحرك علي مواقع الانترنت

" FTP " file transfer protocol

من اسمه يظهر تعريفه ,,, فهو البروتوكول المسئول عن نقل الملفات ويحدد اليه هذا النقل كيف يسير  باختصار كدا علشان الناس تفهم البروتوكول دا هو المستخدم لما حضرتك بتعمل تحميل لملفات 

 DNS " domain name system "

هو البروتوكول المسئول عن خدمه اسماء النظاقات ,,, اي يقوم بتحويل اي IP الي URL او العكس ,,, حيث انه من الصعب جدا حفظ جميع الاي بي لجميع الاجهزه او المواقع فيقوم DNS بهذا العمل ,,, فنحن نكتب علي المتصفح اسم موقع ما يقوم DNS بتحويل هذا ال URL الي IP فيصل المتصفح الي destination ,,, ومن ناحيه اخره هناك الهاكر الذين يقومون بتصميم مواقع مشابه للمواقع الحقيقيه فيسهل بذلك سرقه اي اكونت لاي شخص ,,, فياتي دور DNS هنا بانه يقوم بتحويل هذا IP الي URL ,,, وان شاء الله كل حاجه من الحاجات الفاتت دي هتتشرح ان شاء الله ال IP  و ال DNS  :)

بتمني يكون مقال مفيد للجميع وان حاجه بسيطه و بكرر المدونه دي لكل شخص لسا في بدايه طريقه في مجال الشبكات ... يالتوفيق للجميع 

اكونت الفيس بوك 

https://www.facebook.com/omar.ahmedramadan

صفحتنا علي الفيس بوك 

https://www.facebook.com/pages/Networks-For-All/376795975825097

شكرا