Types Of Messages In The Network

بسم الله الرحمن الرحيم

النهرده هنتكلم عن موضوع بسيط ... هنتكلم عن انواع الرسايل  :) 

اولا كدا يعني اي رساله في شبكه :)دلوقتي ان عندنا كذا جهاز متصلين ببعض في LAN ... جهاز A عايز يبعت بيانات لجهاز B  داخل الشبكه هي دي الرساله ببساطه  :)

عندنا 3 انواع من الرسايل داخل اي شبكه :

اول نوع معانا Unicast يعني جهاز بيبعت لجهاز واحد وبس

Unicast

the process of sending a packet from one host to an individual host

ثاني نوع معانا Broadcast يعني جهاز بيبعت لكل الاجزه في الشبكه

Broadcast

The process of sending a packet from one host to all hosts in the network

ثالث نوع معانا Multicast يعني جهاز بيبعت لمجموعه اجهزه في الشبكه

Multicast

The process of sending a packet from one host to a selected group of hosts

جايز المعلومه بالنسبه ليك تكون بسيطه ومعروفه لكن صدقني غيرك ممكن يكون اول مره يسمعها حاول توصلها ليه (share) .. حاول تكون حلقه وصل للافاده ان كنت مش قادر تفيد :) ودي الصفحه بتاعتنا تقدر تتابع عليها كل جديد :)

https://www.facebook.com/pages/Networks-For-All/376795975825097

شكرا 

Types Of Wire Media

بسم الله الرحمن الرحيم 

النهرده هنتكلم عن موضوع مهم لازم نكون علي علم بيه في مجال الشبكات ,, ركز معايا بقا احنا من فتره اتكلمنا عن ال Media  وقلنا انها يا اما wire or wireless  وقلنا انها مكون اساسي في ال LAN وبردو موجوده في ال WAN ;)
احنا بقا  هنتكلم النهرده عن ال Wire  :)

اول حاجه لازم تعرف ان في كذا نوع لل Wire Media ,,, عندنا حوالي 5 انواع هنتكلم عنهم بشي من التبسيط باذن الله بحيث اقل واحد علم يقدر يستفيد بكل معلومه :)

---------------------------------

Twisted Pair Cable

اول نوع معانا هو Twisted Pair Cable و النوع دا متكون من نوعين STP @ UTP  تمام اوي كدا ركز معياا بقا  :)
اول نوع عندنا هو STP و هو اختصار ل Shielded Twisted Pair يعني محمي وهو غالبا مش مستخدم في الشبكات لانه غير عملي للشبكات البسيطه زي مثلا انه غالي مقارنه بال UTP  لكن افضل لان سرعه النقل فيه اعلي .

STP

دلوقتي بقا هنتكلم عن UTP  هو عباره عن  unshielded twisted pair يعني غير محمي وليه كذا فئه عندنا يعني نوع  CAT 5 ,CAT 5e And CAT 6  و Cat  هي اختصار ل Category يعني فئه زي ما قلنا ;)

حاسس ان الكلام تقيل شويه من الاخر كدا علشان انا عارف ان في ناس عايزه الخلاصه  =D ال UTP  دي الكبل الحضرتك بتستخدمه علشان توصل جهازك بال Modem العندك في البيت علشان تطلع علي النت ,,, تمام كدا وكمان ان عايز تعرف الفئات القلنا عليها بص علي الكبل كدا هتلاقي مكتوب عليه :)

UTP

حاجه لازم تعرفها عندك في نهايه الكبل في حاجه اسمها RJ وهو اختصار ل Rejected Jack دي الكلبسه البتدخلها في جهازك او في ال Modem ولو تركز شويه في واحده زيها في تلفون البيت ,,, بتاعتنا احنا بتاعه الشبكه اسمها RJ45  اما بتاعه التلوفون اسمها  RJ11 :)

RJ 45

كدا اول نوع من انواع ال Wire Media اتكلمنا عنه ببساطه :)

---------------------------------------------

Fiber Optic

 تاني نوع معانا من انواع ال Wire Media وهو ال Fiber Optic  يعني الالياف الضوئيه ,,, طبعا قبل ما اتكلم في اي حاجه هو ممكن نستخدمه في ال LAN وبردو في ال WAN 

ال Fiber Optic بيشتغل بخواص الضوء علشان كدا نلاقي ان قلب ال Fiber Optic بيكون مصنوع من خامات عاليه جدا من الزجاج ودي سبب من اسباب عدم استخدامه احيانا في الشركات او المؤسسات  وطبعا بيكون محمي حمايه جامده ,,,  تمام اوي  دلوقتي انت ممكن تكون عمرك ما شفته لانه نادرا ما تلاقي شركه بتستخدمه عندنا يعني ,,, لكن في شركات كبيره بتستخدمه ,,,زي اما احنا قلنا ممكن نستخدمه في ال LAN  يعني في نفس المكان يعني مش هيخرج علي الانترنت ,,, عايزين نقول بقا اي السبب ان نادرا ما بنشوفه ان هو غالي و تركيبه و صيانته غاليه فطبعا بعض اصحاب الشركات مش عايزه كدا ,,, لكن بيدعم سرعه عاليه جدا بخلاف اي نوع تاني من انواع ال Wire Media ودي السبب البيخلي الشركات الكبيره توجده عندها في الشركه  ,,, كويس لحد كدا .

 Fiber Optic

 دلوقتي هنتكلم عن انواع ال Fiber Optic عندنا نوعين لل Fiber Optic هما Signal Mode  And Multi Mode ,,, 

اول نوع عندنا ال هو ال Signal Mode  بيدعم مسافات كبيره بالكيلو بس سرعته بتكون من 3 او 5 جيجا في الثانيه الواحده اما ثاني نوع ال هو  Multi Mode بيدعم مسافات بسيطه حوالي 500 متر بس سرعته بتوصل ل 20 جيجا في الثانيه 

 دلوقتي انت مش هتعرف تفرق بنهم بالمنظر دا انا عارف  =D  هقولك حاجه تفرق بيها بنهم :) اول نوع معانا ال هو Signal Mode بيكون للاستخدام الخارجي ولون الكبل كدا بيكون اصفر او  ازرق اما النوع التاني ال هو ال Multi Mode فبيكون للاستخدام الداخلي و لونه برتقالي .

Signal Mode  And Multi Mode

نقطه اخيره احنا قلنا امبارح ان الكلبسه البتدخلها في جهازك او في ال Modem في ال Twisted Pair Cable اسمها RJ  تمام  والاسم العلمي ليها  Connector  يعني الموصل هننسي بقا الكلبسه دي ونفتكر بس انها Connector   ,,, عندنا بقا في ال Fiber Optic  اسمها  SC او LC  او ST  

ST ,LC And SC Connector

كدا خلصنا النوع التاني معانا من انواع ال Wire Media ناقص معانا 3 انواع هما غالبا مش ليهم اهميه زي اول نوعين لكن للعلم بالشي هنقولهم ان شاء الله 

---------------------------------------------

Coaxial Cable

ثالت نوع معانا هو ال Coaxial Cable  وعلشان تعرف اي هو النوع دا بسيطه اوي هو بالضبط الكبل الاسود العندك في البيت متوصل بالرسيفر بتاع الدش عرفته  =D  تمام اوي ,,, طبعا علشان اوصفه مش اظن هيكون صعب علينا كبل اسود مكون من كذا طبقه من الحمايه و ال Core  بتاعه  في النص بالضبط :) وعندنا ال Connector بتاعه اسمه BNC ,,, هو عباره عن نوعين Thin And Thick  طبعا الاختلافي بينهم بيكون في الاستخدام يعني عندنا ال Thin بيكون داخل المباني لانه بيغطي مساحه قليله مقارنه بال Thick البيكون خارج المباني لانه بيغطي مساحه اكبر الي حد ما :)

Coaxial Cable

BNC  Connector

---------------------------------------------

Magnetic Media

اما النوع الرابع  عندنا الي حد ما مش ليه وجود كبير حاليا لكن نقول مفيش مشكله هو Magnetic Media  دي كدا من الاخر بيستخدم شرط مغناطيسي لنقل البيانات زي Floppy disk 

Floppy disk

---------------------------------------------

Power Lines

اما بالنسبه للنوع الاخير فهو ال  Power Lines  دي من الاخر بردو نوع كانو بيستخدمو فيه كبل الكهربا Power Cable علشان نقل البيانات طبعا مش بيستخدم اصلا بس اديك عرفت كل الانواع :)

Power Lines

كدا نقدر نقول الحمد لله اتكلمنا عن انواع ال Wire Media الخمسه بشي من التبسيط ,, بتمني اكون قدرت افيد الناس وان بشي بسيط  :)

---------------------------------------------

جايز المعلومه بالنسبه ليك تكون بسيطه ومعروفه لكن صدقني غيرك ممكن يكون اول مره يسمعها حاول توصلها ليه (share) ,,, حاول تكون حلقه وصل للافاده اذا كنت مش قادر تفيد . ان حابب تكون علي تواصل معايا تقدر تعمل (Follow) ليا علي الاكونت علي الفيس بوك https://www.facebook.com/omar.ahmedramadan :)

دي صفحتنا علي الفيس بوك مش تنسي تعمل Like 

https://www.facebook.com/pages/Networks-For-All/376795975825097

شكرا 

Types Of Networks

بسم الله الرحمن الرحيم 

هذه المدونه لكل الناس و ليس لمن يتخصص في مجال الشبكات فقط ولهذا السبب اسم هذه المدونه  Networks For All  نريد ان نعلم الجميع ما هي الشبكات لان كل شي حولنا علاقه عن شبكه و في المستقبل سوف يكون هو اساس كل شي .

النهرده هنتكلم علي  حاجه جديده  ومهمه في مجال الشبكات :)

اولا كدا احنا لما بنتكلم علي انواع الشبكات عندنا 4 انواع للشبكات المهم فيهم دلوقتي عايزك تعرفهم هما 2 ,, تمام طب اي هما الاتنين دول بقا ;)

اول نوع معانا LAN  و هو اختصار ل Local Area Network تمام اوي يعني اي بقا ,,, هي عباره عن شبكه محليه يعني موجوده في مكان واحد  ,,, و علي فكره مش تخلي حد يضحك عليك ويقولك هي شبكه صغيره يعني عدد اجهزه صغير لا طبعا ممكن ان في مبني واحد مليون جهاز بردو هيكون اسمها LAN 

ال LAN  بتتكون من 3 مكونات اساسيه اول جزءعندنا هو جهاز الكمبيوتر بتاعك سواء كان جهاز عادي او لاب توب والجزء المسؤل عن الشبكه في جهازك اسمه NIC  اختصار ل Network Interface Card يعني كرت الشبكه ,, تاني جزء من اجزاء ال LAN هو عباره عن ال Media سواء كانت wire or wireless  ,,, اخر جزء من مكونات ال LAN  هو ال Switch ودي باختصار جهاز بنستخدمه علشان نوصل الاجهزه ببعض علشان يشوفو بعض مش تشتغل بالك هنتكلم بعد كدا عنه بالتفصيل ان شاء الله :)

Network Interface Card

Wire Media

Switch

تاني نوع معانا هو ال WAN  وهو اختصار ل Wide Area Network  وهي عباره عن شبكه للنطاقات الواسعه يعني ممكن تكون شبكه في بلد متوصله  بشبكه في بلد تاني ,,, وطبعا بردو مش ليها علاقه بعدد الاجهزه ,,, دوره هو ربط الشبكات مع بعض بطريقه ما و هنتكلم عنه بعد كدا بردو ان شاء الله :)

Router

علشان اخليك عارف الفرق بينهم من الاخر كدا ;)

any network that doesn't connect to internet is LAN 
any network that connects to internet is WAN

احنا قلنا عندنا 4 انواع و قلنا المهم فيهم 2 لكن مفيش مشكله انك تعرف اي هما الانواع التانيه ,,, عندنا نوع اسمه PAN وهو اختصار ل Personal Area Network يعني شبكه للاستخدام الشخصي مثال علي كدا  Wireless Computer Keyboard  تاني نوع معانا هو ال MAN  وهو اختصار ل Metropolitan Area Network  شبكه علي نظاق  منطقه ما بتربط مثلا فروع شركه ما .

شكرا

Network Meaning

بسم الله الرحمن الرحيم 

مجال الشبكات مجال كبير جدا ومش سهل انك تتميز فيه لكن سهل جدا انك تبدا فيه وتمشي فيه كمان وتاخد الخطوه الاولي .
بكل بساطه من غير تعقيد ومن غير كلام كتير يعني اي شبكه ؟؟
" يعني بعض الاشياء تقدر تتواصل مع بعضها بطريقه ما لهدف معين  " 

مثال علي كدا بسيط  سهل الناس تفهمه وهو اكبر مثال عندنا كشبكه هو (الانترنت) وهو عباره عن اكبر شبكه في العالم بتضم ملايين الاجهزه بتتواصل مع بعضها ,, تمام اوي دلوقتي بالنسبه للنقطه التاينه " بطريقه ما " ببساطه من غير تعقيد يعني دلوقتي انت علشان تطلع علي  الانترنت محتاج اي عندك في البيت modem  بتتوصل بيه من خلال wired او wireless  وبتطلع علي الانترنت ,,, تمام اوي بالنسبه لاخر نقطه عندنا " لهدف معين " يعني ببساطه بردو انت بتدخل علي الانترنت لي بتوصل لمعلومات معينه بتوصل لناس تتكلم معاهم وهكذا .

وشكرا